Роботня 16 Слика сучасного швета роботи

Роботня 16

Слика сучасного швета роботи

Шеснаста роботня под назву „Слика сучасного швета роботи“ отримана на годзини оддзелєньского старшини. Роботня почала зоз бависком „Мено и занїманє“. Кажди школяр ше здогаднул даєдного занїманя хторе почина на исту букву як и його мено.

 
После того ше приповедало о компетенцийох хтори нєобходни за успишну роботу каждого наведзеного занїманя. Школяре ше сами поздогадовали хтори би то компетенциї були за занїманє хторе наведли, а вецка ше дискутовало о винєшеним зоз цалим оддзелєньом. Винєшени думаня о потребних компетенцийох як цо то ученє ученя, знац як, схопносц резонованя и приношеня одлукох, схопносц комуникованя и знанє страних язикох, ученє и подучованє у тиму, креативне думанє и ришованє проблемох, водзенє и ориєнтация спрам будучносци и способносц самоводзеня и саморозвою. Потим шлїдзела дискусия зоз цалим оддзелєньом о наведзених схопносцох хтори потребни за роботни живот.