Вистава роботох школярох седмей и осмей класи

16.12.2013. року у холу Основней школи „Петро Кузмяк“ отримана вистава роботох школярох осмей и седмей класи хтори участвую у проєкту Професионална ориєнтация. Вистава уключовала рисунки и панои зоз рижнороднима информациями о штреднїх школох хтори направели школяре осмих класох у цеку роботньох „Я о дзешец роки“ хтора отримана на годзини подобовей култури и „Зберанє информацийох о школох и занїманьох и способ их обрoбку“ хтора отримана на годзини информатики и рахункарства. На вистави участвовали и школяре седмих класох зоз своїма роботами, хтори тиж виложени и холу, а хтори настали на роботньох „Автопортрет - самоспознанє“, а хтори отримали наставнїци руского язика.

Понеже виставу були нащивиц нє лєм сами авторе т.є. школяре, присутних, школярох шестих класох, їх класних старшинох, числених родичох, представнїкох медийох т.є. новинох „Руске слово“ хтори тиж пришли потримац сам проєкт и його реализацию, як и шицких присутних наставнїкох привитала Каролина Папуґа, оддзелєньски старшина VIII a оддзелєня и потолковала сам циль тей вистави. Потим слово превжала Мария Шанта, педаґоґ школи, хтора на кратко обгрунтовала саму значносц того проєкту и наглашела кельо важне же би сами родичи участвовали у одлуки своїх дзецох за виберанє будуцого занїманя.

Усмени звит о самим цеку роботньох, способу роботи, резултатох и посцигнутим у оддзелєньох VIII класох, дала Саня Тиркайла и наглашела же сам проєкт Професионалней ориєнтациї барз значни и помага школяром же би лєгчейше дошли до спознаньох о своїм будуцим занїманю.

Звит о роботньох хтори предвидзени за школярох седмих класох, зоз детельним огляднуцом, як на саму значносц, так и на резултати и посцигнути спознаня, дала Мария Балїнт, оддзелєньски старшина у VII б оддзелєню, и поволала родичох най и на далєй буду часц того проєкту, нє лєм як родичи, алє и як стална потримовка у будуцей одлуки своїх дзецох.

            На концу бул винєшени технїчни бок самого проєкту, хтори уключує отворени блог за професионалну ориєнтацию, на хторим школяре можу опатриц важни обвисценя и пренайсц информациї и вязи хтори их можу одвесц на сайти, дзе ше детальнєйше можу информовац о самим проєкту Професионална ориєнтация у Сербиї.

            Главна часц тей краткей програми ушлїдзела после тих вигварених словох, кед школяре були поволани най зоз своїма родичами обиду шицки часци вистави и подзеля свойо упечатки.

Роботня 10

Radionica sa časa srpskog jezika: U očima drugih

·         prepoznavanje sopstvenih sposobnosti, sklonosti i vrlina;

·         davanje drugima pozitivnih povratnih informacija;

·         sagledavanje slike o sebi upoređujući kakav sam ja, a šta drugi misle o meni.

Rad u grupama, Davanje povratne informacije, Dopunjavanje

1. Igrica „Atom“ sa zadacima za razmenu

Učenici/učenice se slobodno kreću u prostoru i kada voditelj/ka pljesne rukama i kaže neki broj, onda se toliki broj učesnika uhvati za ruke i tako predstavljaju atom. Svaki put kad se napravi atom, grupa dobija zadatak. Atom će se po završetku zadatka, posle 2-3 minuta, rasformirati, učenici/učenice će ponovo krenuti u šetnju i opet na znak voditelja formirati novi atom.

Zadaci za razmenu posle svakog kruga formiranja atoma:

-  šta je to u čemu uživate;

- u čemu ste najbolji, šta vam najbolje „ide od ruke“, da li već imate neku diplomu, nagradu, sertifikat za svoj talenat;

-  da li imate neki hobi i da li taj hobi ima neke veze  „sa vašim budućim zanimanjem“.

  2. Harmonika

Učenici/učenice sede u krugu, dobijaju list A4 formata i zadatak: Na vrhu stranice ispišite svoje ime, presavijte list zamišljajući da će se do kraja kruga taj list pretvoriti u „harmoniku“. Neka svako pošalje svoj list na desnu stranu, a na list koji je primio sa leve strane neka upiše neku osobinu, za koju misli da je „ovaj gorepotpisani“ poseduje. Potom neka presavije list i doda ga onom desno do sebe i tako redom, dok mu se ne vrati list sa sopstvenim imenom.

3. Refleksija – utisci: Kako me drugi vide
Šta vas je pozitivno iznenadilo? Šta nikada ne biste vi sami rekli za sebe? Šta bi obavezno trebalo da se nađe na ovoj listi, a drugi to nisu primetili kod vas kao osobinu ili vrlinu? O ovome govori onaj ko želi.  

Individualni rad

• List A4 za svakog učenika/učenicu.

• Radni materijal za Portfolio:  priložiti u Portfolio „harmoniku“ / Kako me drugi vide, nakon radionice. 

Predavač: Marija Baljint, profesor srpskog jezika

Роботня 6

 РАДИОНИЦА 6 /ликовна култура

МОЈА ОЧЕКИВАЊА

ОДЕЉЕЊЕ: VIIIa и VIIIб (одвојени часови)

ЦИЉЕВИ:

-       развијање компетенције за целоживотно учење и вештине комуникације кроз артикулисање и формулисање очекивања у будућности;

-       развијање способности повезивања сопствених очекивања у будућности са избором жељене школе и занимања.

ТЕМА:

            1. Настављање реченице: „Моја највећа жеља је да за десет година будем.."

            2. Израда колажа на тему: „Ја за десет година"

МЕТОДА: колаж

ФОРМА РАДА: рад у пару

МАТЕРИЈАЛ: исечци из новина, слике, фотографије, материјал за колаж (картони, папири у боји, лепак, маказе), оловке, фломастери

ВРЕМЕ: 45 минута

Ученици су формирали парове и у току рада парови су међусобно размењивали идеје и охрабривали у стварању визије. Сваки ученик, члан пара, је направио колаж за себе- визију о себи за десет година помоћу сличица из часописа. Предлози за колаж су били:  

-       униформа и реквизити

-       место, окружење, простор у којем живи и ради

-       будућа визиткарта.

Колаж је по потреби био допуњен и цртежом или у недостатку одговарајућег колаж материјала, урађен у техници цртежа.

По завршетку рада уследила је презентација радова и визија уз помоћ следећих питања:

            > Како видиш своју будућност у школовању и занимању?

            > Како се осећаш када твоја знања, вештине, способности долазе до изражаја у твом професионалном и личном животу?

            > Верујеш ли да ова твоја визија може да постане стварност за 10 година и шта ћеш урадити да је оствариш?

            > Да ли сте у визијама о будућности успели да откријете заједничке одлике и које?

            > Да ли се визије девојчица разликују од представа дечака? Уколико је то тачно, у чему се разликују?

            Сваки ученик је пронашао и одабрао одговарајући материјал за свој рад и у складу са својим могућностима успешно реализовао задатак.  Поједини ученици су презентовали своју визију будуће професије пред целим одељењем и одељенским старешином и на тај начин су се припремили за следећу радионицу на којој ће да присуствују и учествују и родитељи.

Предавач: Биљана Роман, професор ликовне културе.

Роботня 9

Роботня 9 

 

АВТОПОРТЕТ- САМОСПОЗНАНЄ

Оддзелєнє VIIб

Цилї:

- розвиванє социялних схопносцох, ставох, вредносцох и самодовирия
- преценьованє власних способносцох
- спатранє слики и о себе 

Методи:вистава рисункох и составох, робота на материялу 
Тема: Наставок виреченя : Я...(характеристика котра нас найточнєйше описує.
Рисованє автопортрету и уписованє власних характеристикох котри ценї при себе

 Школяре поставяю свойо автопортерти так же половка на єдним, а друга половка на другим боку. Єдна половка школярох стої опрез своїх своїх рисункох, док друга половка преучує автопортрети и указує почитованє за характеристики одредзеного школяра и додава характеристики котри нє наведзени, а ценї их при тей особи. Потим други школяре преходза през исту процедуру.

Потим пишу состав о себе на тему: То я
Рефлексия:

- важносц одкриваня себе, власних способносцох и вредносцох
- значносц розвиваня самопочитованя през формулованє и виражованє власних позитивних характеристикох
- виражованє уважованє кед ше при парнякови препознаваю характеристики и способносци котри вони маю и виражую почитованє за нїх 
Час: 45 мин 
Социялна форма: индивидуална форма 
Модерацийни материял: роботни материял зоз портфолия, роботни папер 
Надпомнуце: автопортрети ше хасную за роботу зоз родичами, на схадзки з нїма 
Наставнїца: Каролина Папуґа

Роботня 7

Роботня 7

У швеце вредносци

1.      Асоцияция на термин ``вредносц``

Школяре маю задаток же би ше здогадли цо за нїх барз важне, цо окреме ценя и почитую. Школяр одвитує зоз виреченьом ``Найвекша вредносц за мнє...``

 

2. Рисованє на тему ``Вредносц``

Школяре доставаю упутствия же би представели вредносц з даяким симболом, реалним рисунком, словами... , кед то жадаю можу то зробиц на рижни способи. Кажди школяр ше подпише на свою роботу  и прави ше вистава роботох. 

3.      Представянє ``вредносци`` - ґалерийне шпациранє

Школяре опатраю рисунку и одгадую котра вредносц представена на рисунку.

Накельо им ше нє уда одгаднуц, автор толкує цо жадал/-ла приказац.

4.      Заєднїцки вредносци

Ранґ –лїстина вредносцох, тих цо ше повторюю и тих цо ше явяю найменєй раз. 

5.      Рефлексия/ роздумованє, замерковйованє, обачованє/

Школяре розменюю думаня о тим як их тоти вредносци одредзую у одношеню на будуце занїманє.

Школяре почитую правила справованя, уважую других, розвиваю свидомосц о особних вредносцох и розвиваю схопносци за живот у демократским друштве.

Роботня 6

Роботня 6 

 

Драга способносци (друга часц)

Друга часц роботнї на исту тему „Драга способносци“, уключена самоспознаванє своїх физичних можлївосцох у розличитих сферох тестираня. Схопносц рукох, схопносц пальцох, физична моц и ментална моц представяли поля у хотих ше школяре опробовали и на концу заключели цо було тот цо за нїх представяло нєприємносц, цо поробели без почежкосцох, хтори задаток им бул найчежши,а хтори найлєгчейши. 

Перши задаток бул випробовац свою прецизносц и рух зоз удзиваньом цверни до игли зоз меншу и зоз векшу дзирку. Други задаток указовал школярову швидкосц у опиплївих роботох, дзе требало помишани житарки (кукурички, жито, сою, пасульку и рискашу) за цо кратши час риздвоїц и покласц на розвоєни громадки. Треци задаток обдумани так же би школяре демонстровали физичну моц тримаюци теґ пол минути зоз випросценима руками.

На концу, школяре випольньовали Роботни лїстки на бокох хтори предвидзени за тестиранє особних способносцох. 

Роботня 5

Роботня 5

Драга способносци (перша часц)

Нєшкайша роботня обдумана так же би школяре у исти час були активни и участвовали у самим виробку роботнї, алє и же би уживали у слаткосци хтора була состойна часц роботнї. Понеже увид до особних способносцох подрозумює спознаванє нє лєм своїх интелектуалних або физичних можлївосцох, школяре мали нагоду, препознац себе у швету чулох дотику, слуху, смаку и паху.

Чуло смаку випробовали зоз стимуланасами на слаткосц, квашносц, горчину, сланосц, док чула паху тестирали зоз розличитима пахами пахнячкох, присмачкох и рошлїнох интензивного и специфичного паху. Чуло дотику випробовали зоз опипованьом розличитих предметох и кажди, условно поведзено, тест прешол так же школяре нє видзели цо опахую, пробую або дотикаю.

Кажде зоз нїх посцихнул завидни резултат у даєдним од польох чула, а циль и бул же би на основи резултатох свойо схопносци прилапели и усовершовали у дальшей будучносци.

Роботня 4

Роботня 4 

 

У швету схопносци и способносци

 

Од отриманих трох роботньох, штварта роботня хтора мала циль препознаванє своїх схопносцох и прихильносцох, за школярох була найинтересантнєйша. Понеже сам швет одрастаня приноши велї нови одкрица о других людзох, так и о себе, свидомосц своїх схопносцох, алє и свидомосц о схопносци других людзох, при дзецох треба же би пребудзел интересованє, алє и самостойни прегляд прихильосцох ґу одредзеним сфером людского живота.

Роботня ориєнтована праве у тим наприяме – же би школяре препознали свойо способносци и схопносци у поредзеню зоз своїма парняками. На суптилни и индиректни способ, тото психолоґийне бависко требало помогнуц самим школяром же би ше препзнали у даєдних польох за хтори можебуц анї нє подумовали же маю даяку схопносц.

Школяре поставени у кругу у чиїм штредку централне место. Наставнїк начишльовал схопносци, прихильносци и таланти у хориих ше школяре требали препознац. Кед ше школяре у даєдней од понукнутих т.є. начишлєних схопносцох, прихильносцох препознали, задаток им бул же би ше поставели на централне место. Теди мушели обгрунотвац прецо ше праве вони препознали у вигвареней схопносци и зоз чим вони свою схопносц указую т.є. виражую.

После того шлїдзело випольньоває таблїчки у Портфолию дзе школяре требали обєктивно спатриц и препознац особни способносци.

Роботня 3

Роботня 3

У швету интересованя

„Яки маш хоби? Цо любиш робиц? У чим уживаш? Ма твоя пара хоби?“ були питаня на хтори школяре требали одвитовац, понеже треца роботня обдумана так же би школяре представели свойо интересованя, алє и интересованя своєй пари. Циль бул научиц яки интересованя постоя, зоз чим ше шицко товарише занїмаю и розвиванє успишней комуникациї медзи двома особами, а так же би ше достало одредзени информациї. 

Потим школяре попольньовали роботни лїсток у Портфолию под насловом „За цо сом заинтересовани“ же би лєпше спатрели свойо интересованя, а так же би им то єдного дня помогло у вибераню будуцого занїманя.

Зоз виробком лїстини у Портфолию школяре означовали ступень своєй прихильносци ґу природним науком, природи, ґу вареню, дружтвени науком и на таки способ приходзели до заключеня яки иснує ступень їх интересованя спрам тих обласцох.

Роботня 2

Роботня 2 

 

Професионална ориєнтация и ключни компетенциї ктори вона розвива

  

Друга роботня прецекла у розгварки зоз школярами на тему Ключни компетенциї у образованю. Школяром першенствено мушело буц потолковане цо то ґлобализация, флексибилна орґанизация роботи, скрацени роботни час, файти запошльованя, информатичне занїманє, понеже то термини зоз хторима ше даєдни по першираз стретли. Школяре требали навесц голєм єдно нєтипичне занїманє и описац го у даскелїх виреченьох.

Понеже роботня пошвецена компетенцийом, школяре, у часци роботнї хтора ше одноши на дискусию, требали роздумац о тим цо потребне же би дахто бул успишни у нєшкайши час у полю своєй роботи, и вец требали навесц даскельо схопносци зоз хотима би вони сами могли буц успишни у обласни хота за нїх представя найвекше интересованє. Од даскелїх компетенцийох хтори наведли як свойо, школяре требали видвоїц єдну и обгрунтовац чом праве тота представя їх найзначнєйшу способносц.

Остатня часц роботнї була вязана за задаток у хторим школяре требали задумац же су директоре єдней компаниї дзе ше продукую софтвери и у хорей потребне заняц 30 роботнїкох, а на сам конкурс ше приявели 315, и требали навесц компетенциї кандидатох дзекуюци хторим вони достаню роботи. 

Роботня 1

Роботня 1

 

Представянє програма и Портфолия за школярох седмей класи

На першей роботнї, котра отримана на годзини оддзелєньскей заєднїци школяре детально упознати зоз проєктом Професионална ориєнтация, зоз його цилями и фазами.Потолковане им поняце професионалней ориєнтациї и приблїжни план роботи вязани за роботнї хори ше муша витвориц до конца шклоского рока.

Зоз школярами ше дискутовало о значносци такого проєкту, а їх реакциї булу розличити. Гварене им же кажде будзе мац свой, такволани, Портфолйо т.є. Роботни лїстки у хорих ше находза задатки и тоту кнїжочку треба же би чували, як и шицки додатни материял хтори достаню на роботньох. Понеже им пречитана часц тексту котри ше находзи у самим портфолию, школяром було дакус яснєйше яка їх задача у тим школским року будзе.

После розгварки, школяре достали задаток направиц бедж на котрим, зоз рисунком,  представели себе як особи и занїманє зоз хторим би ше жадали занїмац у будучносци.

На концу годзини дати информациї о чаше и концепту шлїдуюцей роботнї.

На самим початку...

Витайце на нашим блоґу!

Тот блоґ настал у рамикох проєкта Професионална ориєнтация за школярох седмей и осмей класи основней школи „Петро Кузмяк“ у Руским Керестуре.

Блоґ наменкови за школярох, родичох, наставнїкох и шицких хтори на даяки способ заинтересовани за професионалну ориєнтацию.

Наздаваме ше же понаходзице хасновити информациї и же вам ше попача звити зоз роботньох.