Дзевяте реалне стретнуце

Дзевяте реалне стретнуце

Подприємство „Юарбис“

Дня школяре VII и VIII класи нащивели овоцнїк дзе нас дочекал защитар рошлїнох Радован Беґович, котри нам потолковал рижни ствари вязани за овоцнїк нпр. же єст на тей поверхносци 10ha яблука, а на других двох поверхносцох кайси и грушки, потим зме дознали о древкох яки сорти, як ше залїва, як и кеди ше пирска, потим зме дознали на яки способ функционує защитна мрежа котра поставена, потим о залїваню овоцнїка у будучносци, a и о образованю котре потребне за окончованє тей файти роботи.

После нащиви овоцнїку, пошли зме нащивиц силоси и други овоцнїки дзе кайси и грушки. Там нас дочекал роботнїк Владо Рац котри нам указал и потолковал роботу коло силосох. Котри ше култури можу привесц и тримац у силосох, як идзе цек одбераня културох, потолковал нам функционованє сушари та нам и демонстрирал меранє влаги зарна кукурици. Од силосох пошли зме нащивиц польопривредну алатику ЮАРБИС, дзе зме упознати зоз продуктами котри там мож купиц - од хемийних средствох, нашенькох та и рижних алатох. Нащивели зме самопослугу дзе школяре упознати зоз роботу тарґовца.

Потим зме нащивели административну и комерциялну часц того подприємства дзе школяром, Мария Майхер, потолковала яки роботи вони окончую, же водза финансийски комерциялни и правни роботи, цо шицко окончує тото подприємство, яки шицко роботни места заступени и котри школи треба же би ше окончовали даєдни од тих роботох.

Школяре мали нагоду поставиц питанє за шицко цо их интересовало и дознац велї информациї котри их интересовали. Школяре були задовольни зоз нащиву тих местох и того подприємства, а даєдни од нїх ше и пренашли у даєдних професийох и роботох котри зме видзели. 

 

 Александра Человски
Златица Малацко