Проєкт „Професионална
ориєнтация у Сербиї“ реализує Нємецка орґанизация за медзинародне
сотруднїцство ҐИЗ у пертнерству зоз Министерством просвити, науки и технолоґийного
розвою у сотруднїцстве зоз Министерством омладини и спорта Републики Сербиї.
Общи циль програма то даванє потримовки школяром же би активно участвуюци у пейцфазним процесу модела професионалней ориєнтациї, превжали одвичательносц за свою будучносц, же би упознали себе и свойо способносци, драгу свойого школованя, драгу кариєри, же би упознали швет самей роботи, же би научели приношиц прави и смислово одлуки кед у питаню їх особне школованє и занїманє и же би на таки способ посцигли успих у планованю своєй кариєри.
Програм професоналней ориєнатциї прихильни
ґу вибудови способносци приношеня одлукох при младих людзох и як таки уключує
два главни компоненти: єдна компонента то особна
компетенция т.є. моц особного „я“ и упзнаванє зоз можлївосцами школованя и
занїманя, односно зочованє зоз нїма – ученє за саморозвиванє, а друга то социялна компетенция хтора вше баржей
достава на своєй важносци у швеце занїманя – ученє за живот у демократскей заєднїци
и гражданскому дружтву. На тако способ ше дава значне доприношенє формованю особеносци
школярох и у тим централне место забера розвой
и змоцньованє волї, способносци приношеня одлукох, унаприяменосци, порихтаносци
же би ше посцигла хасновитосц, витримовносц и способносц витворйованя вязи. (превжате зоз публикациї „Пейц крочаї до одлуки и занїманю“ )
Пейцфазни модел професионалней оријентациї представя драгу од пейцох крочайох хтори водза младу особу до вибору знаїманя и активного планованя кариєри. У тим процесу особа першенствено упознава себе, свойо таланти, способносци, вредносци и интересованя. Потим ше упознує зоз можлївосцами свойого окруженя – дознава яки занїманя постоя, хтори занїманя глєдани, упоредзує их зоз своїма жаданями и прихильносцами. Потим виглєдує можлївосци образованя – яки школи, факултети, нєформални образовни курси потребни же би дахто бул успишни у своїм занїманю.
После того процеса виглєдованя, упознаваня себе и
окруженя, особа способна принєсц одлуки о кариєри и способна є направиц свой акциони
план як свойо одлуки треба витвориц до дїла. У цеку цалого процеса, млади дознаваю же важне буц
информовани и самостойно принєсц одлуки, важне осторожно виплановац и дисциплиновано
витворйовац крочаї и же у шоре правиц гришки и меняц плани, понеже ше и вони
сами меняю.
Же би успишно
прешли през шицки фази модела, младим на позполаганю буду розличити нагоди за
самостойне и ґрупне ученє и виглєдованє у рамикох школи и конзеларийох за
младих, а ученє подрозумює робенє тестох, участвованє у роботньох, совитованє,
практични вежби и портфолио за провадзенє плана кариєри.
(превжате зоз публикациї „Пейц крочаї до одлуки и занїманю“ )
Структура цеку процеса вибора
занїманя (пейцфазни модел)
1. самоспознанє: препознаванє особних
капацитетох, способносцох, интересованьох, вредносцох и прихильносцох.
2. информованє о занїманьох: зберанє
информацийох о занїманьох, анализа и структуровани способ обробку информацийох
на таки способ же би ше оможлївела добра информованосц при одлучованю вибора занїманя.
3. можлївосци школованя: упознаванє зоз
можлївосцами школованя и кариєри хтори водза до витворйованя жаданого занїманя.
4. реални стретнуца зоз шветом роботи и занїманя:
стретнуце зоз представнїками занїманя, розпитованє о занїманю и випробовйованє
занїманя у подприємствох / орґанизацийох / установох / штреднїх школох, так же
би млади преверели и надопольнєли слику о швету роботи и занїманя.
5. одлука о вибору занїманя: анализа
особней драги професийней oријентациї и приношенє самостойней одлуки о вибору
школи/занїманя.
Нема коментара:
Постави коментар