Перше реалне стретнуце

Перше реалне стретнуце 

Здруженє женох „Бајка“ Руски Керестур

Перше реалне стретнуце хторе школяре седмих класох мали нагоду реализовац, зоз оддзелєньскима старшинами, було отримане 07.03.2014. року з нагоди представяня роботох Здруженя женох „Байка“ зоз Руского Керестура. На тим реалним стретнуцу школяре мали нагоду видзиц роботи того здруженя, у форми модней ревиї под назву „Вяза традицийного и модерного“.          

 На ревиї приказани ручни роботи, хтори продукт роботи членох, професионалцох того здруженя, а з тим приказ резултатох креативней прихильносци спрам красного и практичного, школяре могли видзиц патраци на сами модели. Медзи манеканками хтори модели и приказовали, були и сами школяре, будуци професионалци. На ревиї видзени красни маїци, сукнї, калапчки, шоси и други файти облєчива, направени од лєну, док даєдни елементи направени и зоз гекланьом, штриканьом, вишиваньом, а шицко зоз природних материялох. 
Проєкт „Стари ремесла у нашим краю“ потримал Покраїнски секретарият за привреду, занятосц и ровноправносц полох АП Войводини.
 

Удруженє женох „Бајка“ чува стару традицию. Вони штрикаю, вишиваю, шию вшелїяки облєчива. Нєдавно отримали модну ревию хтору представели школярки седмих и шестих класох. Представени були 25 модели.

У їх здруженю єст петнац активни члени, алє ше им з часу на час приключую и други жени. През активносци правя рижни елементи як цо торбични, керпари, украси зоз древа, пахняци домашнї миделка... Шицко цо правя настава зоз природних материялох.

Участвуюци на проєктох достали одредзену суму пенєжу зоз хтору купели машину за шице, разбой и шицок материял зоз хторим робя, як цо: волна, цверна, платно, лєн. Гварели нам же нам були потребни даскельо днї штриканя, хторе би тирвало коло три годзини, же бизме виштрикали єден триков.

Того року, здруженє жада реализовац ище єден проєкт под насловом „Домашнї шпайз“ на хторим представя здраве єдзенє направене зоз нєшприцованих сировинох. Ту буду ище презентовани и домашнї колачики.

Представнїци дружтва хтори пришли участвовац у проєкту Професионалней ориєнтациї, гваря же су барз задовольни зоз до тераз посцигнутим, алє же им амбициї за напредованє нє виоставаю. Медзи идеями хтори барз потримую то и уключованє младих до свойого здруженя.

Представнїци зоз одушевеньом бешедовали о своєй роботи и же им кажду роботу нє чежко поробиц, понеже их робя зоз радосцу у дзеку.

Хвильково ше рихтаю за одход до Нємецкей на саям писанкох, дзе и саму буду викладац свойо роботи.

Текст написала Мария Варґа, VIII б